منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...


منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...

منتديات المسيكتاب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات المسيكتابدخول

منتديات سودانية إسلاميه إجتماعيه ثقافيه تعليميه

السلام عليكم ورحمة الله وبركاته .. ننوه لأعضائنا الكرام بأن أي مساهمة أو موضوع يحمل أو يحض على السحر والشعوذه والدجل أو يمس بالدين الإسلامي أو العرف سوف يحذف نهائياً ويلغى اشتراك العضو ..

راجلك موبايلك

power_settings_newقم بتسجيل الدخول للرد
+10
ابوهيام هشام عقرب
ابوالجاز
محمد ابوعلامة
بت المسيكتاب
خالد الصحاف
بت بلدي
المسيكتابيه
الحنين
سيد الحروف
الوردة
14 مشترك

descriptionراجلك موبايلك Emptyراجلك موبايلك

more_horiz
Arrow المقارنة بين الرجال والموبايل
أذا كنتي عايزة تشترى موبايل فأنتي في موقف كانك
عايزة تتزوجي راجل لان وجه الشبه بينهم كبير
1 \فلما تمشي وتشتري الجهاز فأنتي تكوني عايزة تشتري جهاز ممتاز وبمواصفات محددة
ولاكن احتمالية صاحب المحل يغشك نسبة 30%
ولما تكوني عايزة تتزوجي تكونةالطموحات عالية وكمان واضعة في بالك نسة احتمالية
فشل العلاقة رغم تفاوت النسبة من شخص لاخر
2 \ولما تشتري الموبايل وتستعمليه في حياتك العاديه في احتمال كبير تدخلي فيه فايرس
اما يجعل التعامل معاه صعيب او يحت ليك الجهاز او يقع في ماء ......
ودا حالات الخلافات الزوجيه التي يمكن تتعايشي معاها اوتنهي الحياة
اويصبح التعايش معاها صعيب
3 \وكمان في امكانية يوم من الايام تخرجي في امان الله لابيك ولا عليك ويلقاك حرامي
يلطش الجهاز بكل ما حوي من ارقام وصور وموسيقي .................... الخ
ويتركك حيرانة ومحتارة تندبي حظك
وكذلك يمكن تلطش زوجك ايضا حراميات الرجال واصبحن هذه الايام اكثر من
حرامية الاجهزة وتنسيه كل الذكريات القديمة والجديدة يعني تركب ليه ميموري
جديدة مع غلاف تجاري وخاصة لو كان النوع العتيق من الجوالات هي قصدي الرجال
فهذا مش راح تتعرفي عليه من بعيد
4\والمشكلة التانية انتي تكوني بره البيت او تتكلمي مع احد ويطفي الجهاز من غير عودة
يختك في موقف محرج شديد
زي الراجل لما يحرجك قدام الناس فلا تنبلع ولاتنجدع يعني تكون واقفة في حلقك وخاصة
قدام الحساد
5 \واخيرا أذا فكرتي تغيري الجهاز فأنتي اتعودتي علي الجهاز القديم وفراقو حار كمان
زي الراجل أذا الواحدة فكرت تتطلقو ا فالطلاق حل صعب وخاصة لو اتعود كل واحد علي طباع
الثاني لذلك امسكي في موبايلك وما تغيريه ألا اذا اتفجر براهو وكمان راجلك ما تفكيه بالساهل
امسكي فيه بأيديك واسنانك وما تخليه فالحياة مصاعب وتضحية متبادلة

descriptionراجلك موبايلك Emptyرد: راجلك موبايلك

more_horiz
ههههههههه
اذا كان راجلك زي موبايلك
راي ليكم يا الزوجات انكم تعملو ليهو فرمتة وتمسحو النظام القديم ودخلو ليهو اسماء ونغمات وافكار جديدة وموضوعات

يعنى بالعربي
اعملى تجديد في حياتك
مواضيع جديدة
برامج جديدة
حياة جديدة
نظام جديد

وبكده ما بحتاج انه يمشي لغيرك علشان يجدد حياتك
انه انتى بتحسسه كل يوم انه ده يوم جديد

ومن هنا عندى عتاب بسيط للزوجات
اقولهم انكم بتستعدو للحفلات والمناسبات
والطلعات وللصاحبات
وفي البيت بعضكن بقول ((بعضكن))
حالتهن منكشات
علشان كده ماعنده حق يشوف غيركن ولا رايكم شنو؟

_________________

                    '' اللهم إني أسالك إيمانا ًدائما ً
                             وأسألك قلبا ًخاشعا ً
                               وأسألك علماً نافعاً
                                 وأسألك يقيناً صادقاً
                                  وأسألك ديناً قيماً
                         وأسألك العافية من كل بلية "

descriptionراجلك موبايلك Emptyرد: راجلك موبايلك

more_horiz
Rolling Eyes
يا لحنين وبت المسيكتاب كلامكم سمح شديد لكن الرجال ديل زي الأطفال ( مابقصد عقلهم صغير) لكن يعني دايرين الحب والحنان والرعاية والدلع وأنت كمان ماتبقى منكشة علشان هو مايطير منك وما تجيه وريحتك بصل وأكل لانه كدا حايطير منك وأنا والله عندي جوال محرق روحو نفسي أغيرو لكن خايفة زي ماقلتي إتغير الحبيب (دا لو كان أصلا في حبيب) وشكراااا وأنا كتبت موضوع كيف تحافظي علي زوجك في نفس النتدي دا أقرؤه علشان تستفيدوإنت والحنين... 2Smile 2Smile

descriptionراجلك موبايلك Emptyرد: راجلك موبايلك

more_horiz
لكي التحية يا الوردة
Shocked1

أخواتنـــــا بت المسيكتاب والحنين
كلامكن زي العسل والله
وبت المسيكتاب ما قالت إلا الحقيقة
وعشان تحافظن على موبايلاتكن
لازم تقرو موضوع الوردة ده لأنو عجبني جداً
ورديت عليهو
بس كونك تعملي كنترول على بني آدم سوي
زي ما بتتعاملي مع التلفون دي صعبة شوية
بس زي ما قالت الوردة وعجبتني الأساليب اللي ذكرتها
لأنها فعلاً بتحافظ على الموبايل أقصد الراجل
هاهاهاهاهاهاهاهاهاهاها
ولكن التحية وتقبلن مروري في بيتكن النسائي العامر
بي فهمكن ووعيكن
وهاكن الوردات يا أغالى وردات في الدنيا
Razz

_________________
أنا الـــــــــذي نظر الأعمى إلى أدبـــــــــــــي
وأســـــــــمعت كلماتي من به صـــــــــــــمم

descriptionراجلك موبايلك Emptyرد: راجلك موبايلك

more_horiz
مافي داعي للشكر

واهلا بيك في بيتك يا الموبايل
اقصد يا سيد الحروف
هههههههههههههه

زيارة مقبولة اقصد مرور مقبول وعقبال الحجة
ههههههههههههههههه

_________________

                    '' اللهم إني أسالك إيمانا ًدائما ً
                             وأسألك قلبا ًخاشعا ً
                               وأسألك علماً نافعاً
                                 وأسألك يقيناً صادقاً
                                  وأسألك ديناً قيماً
                         وأسألك العافية من كل بلية "

descriptionراجلك موبايلك Emptyرد: راجلك موبايلك

more_horiz
Vry Happy
هاهاهاهاهاهاهاهاهاهاهاهاهاهاهاهاهاهااااااااي
يسلمووووووو يا أغلى وردة في الدنيا
مشكورة يا بت الأصول

_________________
أنا الـــــــــذي نظر الأعمى إلى أدبـــــــــــــي
وأســـــــــمعت كلماتي من به صـــــــــــــمم

descriptionراجلك موبايلك Emptyرد: راجلك موبايلك

more_horiz
بت المسيكتاب
الحنين
شكرا ليكم علي الكلام السمح ده
وشكرا للحنين علي نصايحها الحلوه
اللي ياريت كل واحده عندها موبايل...اقصد راجل
تعمل بنصايح الحنين يعني تجدد كل فتره واخرى
وشكرا ليكم مره تانيه

_________________
أجمل مافي حرية الإنترنت أنها في غيبة الرقيب سوى

(الله جل في علاه) تعطيك الفرصة لتعرف حصتك من نبل

السلوك ونصيبك من طهارة الضمير
ليس في الدنيا ثبوت وكل حي سيموت

descriptionراجلك موبايلك Emptyرد: راجلك موبايلك

more_horiz
طيب يابنوت امي ..
ممكن نعمل موبايلين واحد دايم..واحد اسبير للظروف المامعروفة

_________________
يا القمره اقلبي السنسنة الحمره

descriptionراجلك موبايلك Emptyرد: راجلك موبايلك

more_horiz
مشكورين يا بت المسكتاب والحنين والوردة وبت بلدي والمسيكتابية على الإبداع المتواصل وحقيقة المنتدى ازدان بوجودكن ومواضيعكن الجميلة جدا (بدون مجاملة)وبالتوفيق ان شاءالله

descriptionراجلك موبايلك Emptyرد: راجلك موبايلك

more_horiz
شكرا لك يا المهندس ياسر
وشكرا للدعم المتواصل

_________________

                    '' اللهم إني أسالك إيمانا ًدائما ً
                             وأسألك قلبا ًخاشعا ً
                               وأسألك علماً نافعاً
                                 وأسألك يقيناً صادقاً
                                  وأسألك ديناً قيماً
                         وأسألك العافية من كل بلية "

descriptionراجلك موبايلك Emptyرد: راجلك موبايلك

more_horiz



اشكرك يا ياسر على مشاركتك لنا الموضوع ونتمنى أن نكون عند حسن ظنك


albino

descriptionراجلك موبايلك Emptyرد: راجلك موبايلك

more_horiz
شكرا ليكم أخواني واخواتي علي المرور
والراجل الحنين أحلي موبايل!
بس يارب
ما ينسرق ولا يتفجرولا يقع في المويه
وكده الأوضاع بتبقي تمام _ التمام

descriptionراجلك موبايلك Emptyرد: راجلك موبايلك

more_horiz
ماتنزل كل صور حياتك في الموبايل
عشان مايجيك فايرس طاير

_________________
يا القمره اقلبي السنسنة الحمره

descriptionراجلك موبايلك Emptyرد: راجلك موبايلك

more_horiz
الله يكفينا شر الفيروسات الطايره دي يا المسيكتابيه

_________________
أجمل مافي حرية الإنترنت أنها في غيبة الرقيب سوى

(الله جل في علاه) تعطيك الفرصة لتعرف حصتك من نبل

السلوك ونصيبك من طهارة الضمير
ليس في الدنيا ثبوت وكل حي سيموت

descriptionراجلك موبايلك Emptyرد: راجلك موبايلك

more_horiz
أعملي حسابك ماتدخلي فيروس في موبايلك !

descriptionراجلك موبايلك Emptyرد: راجلك موبايلك

more_horiz
بدون زعل موضوع ماااااااا عجبني
طرقته في التناول باااااايخه شديد أو قد تكون سوقيه بعض الشئ
وطبعاً لي أسبابي الخاصة
لكن منها علي سبيل المثال وليس الحصر طبعاً
... أن يكون الرجل تشبيها ً كالموبايل
فهذا لا يرقي الي مسألة المشاركة في الحياة والنصف الآخر
إذ يمثل إذدراء ونقص رأي أو عقل
وهو غالباً تشبيه منحرف بعض الشي
لان النصائح من النساء الي النساء حول الرجال
قد تكون بصورة أجمل وتحترم مكانت الرجل الذي هو مفضل ومكرم من فوق سبع سموات
ولكن أجد (لكن) العذر في ( ناقصات عقل ودين)
ثانيا :
قيل أن النساء شقيقات الرجال
ولم نسمع من الرجال أنكن شاحن موبايلاتهم
لا أري أحتراما للرجل بين الكلمات
عساها هفوة وأرجو أن لا تكثر الهفوات ولا أزيد
..)

descriptionراجلك موبايلك Emptyرد: راجلك موبايلك

more_horiz
يا أبو الجاز أنت كتبت أن يكون الرجل تشبيها ً كالموبايل فهذا لا يرقي الي مسألة المشاركة في الحياة والنصف الآخر
طبعا كلامك صحيح اذا اقتنعنا بصحة التشبيه واعتبرنا الموضوع جاد
لكن هذا الموضوع أقرب الى المزاح منه الى الجد فلا تنفعل هكذا
الموضوع يخص المتزوجين (راجلك موبايلك ) انت متزوج ؟ لو تزوجت ستكون موبايل وزوجتك شاحن !!هههههههههههههههههه Vry Happy

descriptionراجلك موبايلك Emptyرد: راجلك موبايلك

more_horiz
المسيكتابيه كتب:
ماتنزل كل صور حياتك في الموبايل
عشان مايجيك فايرس طاير


ولو فقدت موبايلك حاتعملي شنو ؟ اكيد حاتمشي السوق تشتري موبايل جديد !!

descriptionراجلك موبايلك Emptyرد: راجلك موبايلك

more_horiz
مالك يا ابو الخلد داير تهيج علينا ابو الجاز ده تاني
نحن ما صدقنـــــا ياسر قدر يهديهو
هاهاهاهاهاهاها
والله ابو الجاز زعلان زعلة
قوية خلاص
هاهاهاهاهاهاهاهاهاها
وانت كمان يا خالد ذكرتني زمان مديدة حااااااااارة
كخ كخ كخ كخ كخ

_________________
أنا الـــــــــذي نظر الأعمى إلى أدبـــــــــــــي
وأســـــــــمعت كلماتي من به صـــــــــــــمم

descriptionراجلك موبايلك Emptyرد: راجلك موبايلك

more_horiz
شكرا علي المرور للجميع وانت يا ابو الجاز الأخوان كلهم دخلو وادوا رايهم في الموضوع بطريقة دمقراطية مافيها كلام قاسي وبينو وجهت نظرهم ولكن لن اتناقش مع انسان يري المراءة ناقصة عقل ودين.... امشي وشوف تكملت هذا الحديث وماذا يعني ...... ولما انت كدة مافي تفاهم ايه دخلك منتدي الحريم دا والمناسبة الأخوان كلهم طلعوا جولات نوكيا وانت موتورلا يعني وقعة واحدة واااااااااااااالله يعوضك

descriptionراجلك موبايلك Emptyرد: راجلك موبايلك

more_horiz
موضوعك جميل يابت المسيكتاب لك التحية
وطبعا اي كان في المنتدي مسموح للجميع سواء كان منتدي الحريم او اي منتدي

descriptionراجلك موبايلك Emptyرد: راجلك موبايلك

more_horiz
بسم الله الرحمن الرحيم

من المفروض انه لما نكون عايزين نتناقش في موضوع ما نقلل منه او من المناقشين فيه
لانه ممكن لديك راي ولغيرك عكسه فيجب توضيح الاراء من دون تنقيص لاى طرف من الاطراف المتناقشة
لانه اختلاف الاراء لا يفسد في الود قضية

يعنى لو ما عجبنا موضوع مو ملزمين انه نرد عليه بس علشان يزيد عدد نقاطنا او ردودنا

وحابة ارد علي نقاطك يا اخى ابو الجاز

اولا: لما المرأة شبهت الرجل بالموبايل ما كان القصد منه التقليل من قدره بالعكس كانت تقصد المحافظة عليه والاعتناء به

لما الله عز وجل شبه نوره كمشاة فيها مصباح هل نستطيع ان نقول ان نور الله هو نفس نور المشكاة ام هو هو تشبيه فقط حتى يصور للعقول نوره وطبعا لله المثل الاعلى

ايضا يا اخى لم يكن عذرك مقنعا في ناقصات عقل ودين فيجب عليك ان تكمل الحديث وتعرف ماذا يعنى وماهي المناسبة التى قيلت فيه ولا اعتقد انك سطحى كبعض الناس
يعجبه الحديث ويتعذر به في كل مناسبة حتى ينقص من قدر المرأة (ماسكها ليهن زلة ) اعتقد انك ذو دراية اكبر بي معناه وباقيه

وطبعا لا انافي كلامك ان الله عظم الرجل من فوق سبع سماوات ولكن في ماذا، قال تعالى ( الرجال قوامون على النساء......الاية )
وطبعا لا يخفى علينا انه فضلوا عنا في قوة الجسم وهذا ما يحتاجه الرجل في الكسب والانفاق على اسرته

واختلفنا عنهم بالضعف وطول البال والمشاعر وهذا ما تحتاجه المرأة في تربية ابناءها وفي المحافظة على بيتها

اما بالنسبة للعقل والذكاء فقد تم اجراء دراسات عالمية وتم التوصل الى انه المراة لاتختلف في ذكائها عن الرجل بالعكس لهم نفس القدر من الذكاء

ولكن الفرق الذي يجعل المرأة العربية تبدو اقل من الرجل هو انها قليلة الخبرة في الحياة وذلك بسبب قلت تجاربها لانها لم تخرج وتحتك كثيرا مع الناس كما يفعل الرجل يعنى ينقصها الخبرة في الحياة والتجارب


واعتقد يا اخى انك قد بالغت قليلا في بعض اوصافك لهذا الحوار والنقاش بكلمات اعتقد انه ليس من الصواب قولها فلست في برنامج الاتجاه المعاكس حتى تسب وتسخط

نعم النساء شقيقات الرجال

وهن ايضا شواحن لهن يقفن معهن في الشدائد
يواسين في المصائب
من اين اقتبس الرجل الحنان والعطف
اليس من الام التى حضنت وفاضت حبا وحنانا فاقتبس ابنها الحب والعطف منها
اليست شاحن لهم


ويطول الكلام ويطول ولكن ساريحكم قليلا يكفي حتى هنا

وشكرا يتلوها عذرا على الاطالة

_________________

                    '' اللهم إني أسالك إيمانا ًدائما ً
                             وأسألك قلبا ًخاشعا ً
                               وأسألك علماً نافعاً
                                 وأسألك يقيناً صادقاً
                                  وأسألك ديناً قيماً
                         وأسألك العافية من كل بلية "

descriptionراجلك موبايلك Emptyرد: راجلك موبايلك

more_horiz
شكلو كدى الموضوع دا جراااااكم لبعيد مناكفة بين حواء وادم لكن يابنات حواء والنصيحة انكن تعملننا موبايلات شوية كدة بالغتو فيها عدييييييييييييل ونحن بصراحة كدة مابنرضاها لى روحنا وانتى يابت النيل يالحنينة ماتدافعى لاختك ساى بلا منطق فهى ماقاصدة المحافظة على موبايلا بل قاصدة تفكو وتغيرو وتجيب احسن منو فى اقرب فرصة ياخ انا بغير موبايلى فى الاسبوع مرتين عشان كدة ماتهاجمو اولاد ادم ساى لانو ماتقدرو عليهم

descriptionراجلك موبايلك Emptyرد: راجلك موبايلك

more_horiz
الحنين كلامك ما بينزاد ولا كلمة والله يا بنتنا
الله يخلي ليك فهمك ويحفظك
اختي العزيزة بت المسيكتاب ما تزعلي وخلي اخلاقك رياضية
واخوي ود ابو علامة ده عجبو نضمك يا الحنين عشان كده داير تزيدي وتتكلمي
ما تاخدي في خاطرك منو
ولكن العتبى يا وردات منتدانا حتى ترضون
يا زينة المنتدى لا داعي للزعل
إلا الزعل مالو محل
ما بننا في ها الزمن
سووووووووسوري

_________________
أنا الـــــــــذي نظر الأعمى إلى أدبـــــــــــــي
وأســـــــــمعت كلماتي من به صـــــــــــــمم

descriptionراجلك موبايلك Emptyرد: راجلك موبايلك

more_horiz
farao
كيفكم تسلمي الحنين وتسلم يدك والله ما كان قصدنا من وراء الموضوع دا الأكل خير لكن على مابدو الأخ أخد الموضوع من زاوية تانية ومنحنى أخر بس بيكفي ماقلتيه وقالوه زملانا من سيد الحروف وياسر والمسيكتابية وكل من لم تساعدني الذاكرة على تذكرهمفلهم جزيل الشكر والأمتنان وليس لدية وقت كافي لكتابة الكلام لاني خارجة للدوام التاني بس إنحرقت من الفهم الخاطي للموضوع
ودمتم
lol!

descriptionراجلك موبايلك Emptyرد: راجلك موبايلك

more_horiz
سيد الحروف كتب:
الحنين كلامك ما بينزاد ولا كلمة والله يا بنتنا
الله يخلي ليك فهمك ويحفظك
اختي العزيزة بت المسيكتاب ما تزعلي وخلي اخلاقك رياضية
واخوي ود ابو علامة ده عجبو نضمك يا الحنين عشان كده داير تزيدي وتتكلمي
ما تاخدي في خاطرك منو
ولكن العتبى يا وردات منتدانا حتى ترضون
يا زينة المنتدى لا داعي للزعل
إلا الزعل مالو محل
ما بننا في ها الزمن
سووووووووسوري

descriptionراجلك موبايلك Emptyرد: راجلك موبايلك

more_horiz

طبعاً الفهم قسم ... والحمد لله الذي ميز الإنسان بالعقل
لا أحب أن أكون مطبلاتي في كل موضوع ما عجبني أقول جميل ويسلمو..وبرضو في كل موضوع هايف
أقول جميل أبدعتو..ولكن أحب أن أوصل رأي في كل موضوع وعلي حسب فهمي أنا ليهو
وما زعلان من حدا ومابدي أزعل حدا
الإ يكون صاحب الموضوع دا ما حاب يناقش فيهو زول
وممكن يكتب تعليق يفيد
ذلك وسوف نلتزم بالتوجيه
لكن علي الطلاق وتراني أنا ما معرس
أي موضوع ما يعجني أقول فيهو رأي وبصراحه
وحقو الناس تكون رياضية ولو كبرت علي الرياضة
التتمشي أنشاء
ورجاءاً بدون زعل ..
يا ياسر يالمهندس حركة الإقتباس
كرهنا ها عديل أكتب لينا أنت رأيك
والله شنو ؟

descriptionراجلك موبايلك Emptyرد: راجلك موبايلك

more_horiz
سلام
وانت مالك محموق كدا هههه انت شكلك مسجل كناقد بس
ورينا مواضيعك يابو الجاز

descriptionراجلك موبايلك Emptyرد: راجلك موبايلك

more_horiz
وبتمني من الاخ ياسر يقتبس مساهمتي اعلاه
بهظر والله خلي اخلاقك رياضيه Vry Happy

descriptionراجلك موبايلك Emptyرد: راجلك موبايلك

more_horiz
يا جماعة أنا ما ناقد لا أشي
بس هدا كان رأي في الموضوع ليس الإ فما في داعي تفوتو دوامكم
..وأنا جد آسف للتعليق لنو ما صادف هواكم
ولكم العتبي حتي الرضا
مع فائق الود والإحترام

descriptionراجلك موبايلك Emptyرد: راجلك موبايلك

more_horiz
ابوهيام كتب:
سلام
وانت مالك محموق كدا هههه انت شكلك مسجل كناقد بس
ورينا مواضيعك يابو الجاز

الاختلاف في الرأي لايفسد للود قضية

descriptionراجلك موبايلك Emptyرد: راجلك موبايلك

more_horiz
انتى يا بت المسيكتاب اظاهر راجلك زي موبايلك ولا شنو

يوم تحويليهو صااااامت

ويوم تخليه وضع عام زي ماعايز يمشي (تعتقيوه)

ويوم تغيرو غلافو ويوم تخليه يمشي ويكلم نفسه ( هزاز )

واذا خلاص طفشتي منه ترميه وتشوفي موديل جديد


ههههههههههههههههه


صح لسانك يا ابو الجاز

descriptionراجلك موبايلك Emptyرد: راجلك موبايلك

more_horiz
بصراحه الموضوع جدارائع لأنه عمل لفته نظر مهمه إنه راجلك لازم تحافظي عليهو زي محافظتك على موبايلك من ناحيه الاهتمام والرعايه وإنه التشبيه ده من ناحيه الفكاها وليس الجديه يالجاز
وإنتي يالجرئه مافي داعي للجرئه الزايده دي

descriptionراجلك موبايلك Emptyرد: راجلك موبايلك

more_horiz
السلام عليكم يا أخوانا وأخواتنا باركوها شوي وصلوا علي النبي علية أفضل الصلاة والتسليم
مشكوووووووووورة يا بت المسيكتاب علي الموضوع الجميل
ويا أخوانا المعارضين علي فكرة الراجل زي الموبايل
الفكرة جات من إنو أختي بت المسيكتاب بتكون لاحظت إنو أكتر حاجة الزول بهتما بيها في اليوم وكل يوم هي الموبايل
وبحافظ عليهو وبيعتني بيهو
ودا ما نقص لو فكرتو بي روية وتأني

وكل زول عندو رائيو ودا رائيي
وشكرا

descriptionراجلك موبايلك Emptyرد: راجلك موبايلك

more_horiz
هاهاهاهاها موضوع حلو لكن في النهاية الحكاية وجهة نظر

descriptionراجلك موبايلك Emptyرد: راجلك موبايلك

more_horiz
و في النهاية الراجل راجل والموبايل موبايل
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد