خيمة ابوماجد

4 مشترك

منتديات المسيكتاب :: المنتديات الفنيه :: واحـــــة الشعر والدوبــيت

خيمة ابوماجدالأحد 15 فبراير 2009, 3:19 pm

ست الصبا مناى اشوفه وازوره
سمحة طبع الفدعه وكمان مفزوره
الخلا رويحتى بيها حد مزروره
عقداً فى جيده ونهايتو فوق لى زوره
خلاى شوفوا النخله الرويه جزوره
شبيهت الصيد النافره ودوام معزوره
جود بى ليما القبيل طيبه بذوره
اكرف جيده وروحى توفى نزوره
ضامره ست الريد حاشاها مى مجزوره
راسيه ومع رفقاته ما هى هزوره
بدور اهل الفهم احلوا لى هالفزوره
افكوا طلاسم الجاهله العلى منزوره

رد: خيمة ابوماجدالأحد 22 فبراير 2009, 1:10 am

هو متين بديت مشواري زاتو متين كمل زاد الطريق

يادوب بلملم في خطاي واخترت لي دربي الرفيق

اتبدل الحال وآآآشقاي ضاع حلمي قبال أفيق

ورجعت مكسور الجناح ما انبل لي في الريدة ريق

الله وكت زولاً تريده وريدتك ولاتعنيلو شي

وتصارحو بالحرمان يوتي انت بتعاتبو وتختشي

وتقصر المشوار تجيه وتخاف من اللوم في الوشي

والسكة بيناتكم سراب درب المحال مابتمشي

أحي على العمر الودر ضيعته بالأوهام سدى

أملت أحيا معاك مودة ورحمة لي آخر مدى

وفرشت ليك جنة سعادة مفرهدة ومتوردة

إلا القدر قال كلمته وما لينا غير نرضى بكده

رد: خيمة ابوماجدالخميس 26 فبراير 2009, 2:32 am

اتبدل الحال وآآآشقاي ضاع حلمي قبال أفيق
شكرا الاخ/عبد الرحيم
والرحمة والمغفره للفنان والشاعر ابراهيم خوجلي

رد: خيمة ابوماجدالسبت 19 يونيو 2010, 10:36 pm

عشـــوقى شايل عشقى بيهو دايماً شارد
لي شيــــخ العشق بشكيهو من غير شاهد
راشد عقلو شــــــادى شراعو بيهو يشادد
ابشر ياشبيه الشهد ليك نتشابا فيك نشاهد

رد: خيمة ابوماجدالأحد 20 يونيو 2010, 2:20 pm

ابو ماجد شيشك علينا ماتشق قليبا الشاق طريقو ودربو
لاتبحت قديمو وخليهو ينسى الفاتو وبِعدو
كلامك يصحى الميت في قبرو
كيفن قليبى البتابت متل الصقير بجرحو
صح لسانك يابو ماجد ونتمنى تغطيه حصريه للألفيه البني ماجديه المسيكتابيه هنا بس