منتديات المسيكتاب
السلام عليكم ورحمة الله تعالى وبركاته
مرحبا عضونا الكريم نتحرق شوقا لعودتك... وإن كنت زائرا نتشرف بزيارتك ونطمع في إنضمامك لعائلتنا ...
ملاحظه : التسجيل مجاني .

منتديات المسيكتاب

منتديات سودانية إسلاميه إجتماعيه ثقافيه تعليميه
 
الرئيسيةالرئيسية  الأحداثالأحداث  المنشوراتالمنشورات  اليوميةاليومية  س .و .جس .و .ج  بحـثبحـث  مكتبة الصورمكتبة الصور  التسجيلالتسجيل  دخولدخول  
كل عام وانتم بخير
بمناسبة مرور عشرة سنوات على إنشاء المنتدى تم تفعيل الرسائل المميزة بالمنتديات الرئيسية نتمنى لكم امتع الاوقات في طى صفحاتنا .. والاعلانات التجارية مجانا... ودمتم

شاطر | 
 

 أسماء سودانية خالية من الدلع والمياعة

اذهب الى الأسفل 
كاتب الموضوعرسالة
المسيكتابي
المشرف العام
المشرف العام
avatar

عدد الرسائل : 583
تاريخ التسجيل : 02/12/2008

29082009
مُساهمةأسماء سودانية خالية من الدلع والمياعة

نحو أسماء سودانية خالية
من الدلع والمياعة


أسماؤنا السودانية القديمة الأصيلة،
كان من الصعب بل المستحيل بأن تأتي لها باسم دلع،
فمهما بلغت براعتك فلا يمكنك أن تدلّع أسماء مثل:
بلة، الطريفي، أب جيبين، التجاني الخزين، عجبين،
الزبير، أب كساوي، الصديق، فضل المولى،
فتح الرحمن، عبد الجبار، البشير،عكاشة، الجنيد،
تيراب، الريّح، الماحي، حمد النيل، حسب الله،
حسب الرسول , جبارة الله، أب سقرة، البي كيفو،
تميم الدار، جبر الدار، عمسيب الجاك،
الجزولي باشكار ,وغيرها..




عليْ النعمة تحاول تدلع أي واحد من الأسماء الفوق ديل

إلا ضهرك كع ينكسر، لأنها أسماء قوية زي الخرسانة...

أسماء مضببة ضد التدليع زي العكاكيز.. Surprised2

أسماء أهلنا زمان أسماء رجال وما في

أي طريقة لتمييعها أو تدلعيها،



حتى النسوان عندنا كان أسماهن صلبة ومحتشمة،

وتنافس أسماء الرجال! في قوتها وخشونتها،

فنلقى أسماء مثل ست النفر، الساتر الله، أم حقين،

البتول، سكينة، التاية، نفيسة، النخيل، أم زين،

بت الجقمتها وغيرها،

والواحدة حتى لو أهلها كانوا متحررين،

بالكتير يسموها الصندلية،

ومع ذلك ما تقدر تشوفها أو تشم ريحتها،

النسوان كانن بنات خدور...



والراجل ذاتو بيكون معجب باسم أمو المحتشم

وتلقاهو يحلف بيهو في الصغيرة والكبيرة فنسمع:

أنا ولدك آآآ ام زين .. أنا ولدك آآآ البخيتة..

هسه أولاد الزمن ده يقولوا شنو ويحلفوا باسم منو..

معقول الواحد يقدر يقول: أنا ولدك يا عبق

أو أنا ولدك يا رنا؟



أهلنا الكبار الزمان كانوا ما بعرفوا الني وكل شيء

عندهم نجيض. الني بدوهوا النار..



عليْ الطلاق تنطق الاسم كده لما شعرة جلدك تكلّب،

وتتنفخ وجضومك تتورّم من العجب

والخيلاء بهذه الأسماء


أب كريق في اللجج
سدّر حبس الفجج
عاشميق حبل الوجج
أنا أخويا مقلام الحجج



أبشر آ جنا .. حررّم تبشر.. أبشر آ جنا التقدْ مركوبك..

Shocked1

مش زي أسماء الأيام دي، شدة الأسماء ما بقت

مايعة تقررررّب تخت الاسم في التلاجة

عشان يجمد ويبقى اسم رجال.



شوفوا الأسماء دي: وائل، وضاح، وحيد، وليد،

وديع، ربيع، مازن، تامر، لؤي، راني،

هاني، نادر، حمادة، طلال، أيمن، مهند، إيهاب وغيرها..



والأسماء دي رغم مياعتها لكن الناس برضو دلعوها،

فحصل ليها ما يعرف في اللغة بتمييع المايع

وهو محرّم لغوياً فسمعنا ب: هنو، ولي،

مزوني، تموري، عموري، ندوري، أيموني،

هنودي، هوبة وغيرها من الأسماء المايعة الما شادة حيلها...



وكذلك غناهم كان غناء رجال وأصواتهم كانت أصوات رجال،



كان المغني يغني الليل كلو بدون مايك وصوتو تلقاهو

زي الجبخانة

يا ليل أبقالي شاهد على نار شوقي وجنوني


Surprised2
وناس زمان ديل حتى كعكهم كان كعك رجال..
تدخل الكعكة في خشمك كده لما يغلبك تلوكها
وتقعد تقرقش فيها كُرُم كُرُم زي الخروف القاعد يصقع في الجرة.
والآن جابوا لينا الكعك المايع بشتى أنواعو تدخل القطعة
في خشمك تجي تلوكها تلقاها عملت (سواح)
وما تعرف ! نفسك هل أكلتها ولا ما كانت في قسمتك..




نفس الشيء ده بينطبق على الولادة،

زمان الواحدة تلد من خمسة لعشرة وكل سنة تساهم

مع زوجها في مصاريف البيت بإنجاب طفل جديد،

ومرات لو الظروف ساعدتها ممكن في نفس السنة

تلد طفل وتشرع في وضع حجر الأساس لطفل جديد،

ومرات الراجل ذاتو من كترة الولادة، ما بعرف أسماء

أولادو ومنو الأكبر ومنو الأصغر فيهم..

الراجل يسأل مرتو: إنتِ آآآ الزينة دحين كبير

ضيف الله ولا كرم الله ؟ فتجيبه الزينة باستغراب:

أجي يا راجل: شن جاب ضيف الله لكرم الله!

أنا لما ولدت كرم الله ده، ضيف الله كان يا دوووب بيحبا،

لكنهم الاتنين مولودين! في نفس السنة

المات فيها خالي عبد الرحمن...



بنات الزمن ده الواحدة إلى أن يتخرج ولدها من KG2،

حتى يقولوا ليك فلانة قاعدة تتوحّم.. وهو شن الوحم؟

الواحدة وحمها ذاتو مخالف وضد العادات والتقاليد..

تلقاها متوحمة ليها على تفاح لبناني أو زبيب إيراني

أو عنب إيطالي أو مهند تركي، فيطلع ليها الولد باطل

ومنعّم ومرخ رخ ،والواحدة أصلها ما بتراعي ظروف زوجها..

زمان حتى وحم حبوباتنا وأمهاتنا كان وحم رجال

ووحم بسيط وسهل التنفيذ ، الواحدة تتوحم على أم بقبق

فيقوم يطلع الولد لايوق وعبيط أو تتوحم على ويكاب

مرس فيطلع الولد بتاع مرايس وشطوط! وكمونية ..

نحن ناس بتعيش حياتها بالكمونيّة والنيّة السليمة)..
Razz Razz
الرجوع الى أعلى الصفحة اذهب الى الأسفل
http://alrakoba.com
مُشاطرة هذه المقالة على: diggdeliciousredditstumbleuponslashdotyahoogooglelive

أسماء سودانية خالية من الدلع والمياعة :: تعاليق

avatar
تابع
مُساهمة في السبت 29 أغسطس 2009, 3:05 am من طرف المسيكتابي



Razz




أهلنا الزمان كانوا متباشرين وحنينين،

بكاهم شهر وعرسهم شهرين، والواحدة لما يموت

راجلها من شدة الحزن والأسف والإخلاص،

بدل أربعة شهور وعشرة يوم،

تتحبس عليهو ثمانية شهور وعشرين يوم،

لأنو أصلنا ما كنا بنعرف الشوية..

شهر العسل كانعندنا ثلاثة شهور،

العريس يعديها في ضبّيح الخرفان وكسّير العناقريب،

كل يوم يبدلوا ليهو في العناقريب زي بطاقات الاسكراتش..



أولاد الزمن ده شهر العسل عندهم ما بزيد ليهو من أسبوع بالكتير، Vry Happy

وما سمعنا لينا بعريساً كسر العنقريب،

الواحد رجالتو يتمها فياجرا وطاحنية ومديدة تمر..

والبلد كلها بقت ضارباها رطوبة أبو ظبي.

.ويجوا يرموا ليك اللوم على سكر التموين!

وبعد ده كلو الواحد يقول ليك عاوز أتزوج تاني،

الشرع حلل لي أربعة..

يا اخي في الأول شبّع زوجتك الأولى

مودة ورحمة ولحمة وبعد كده فكّر في الزوجة التانية..



عليْ الجزيمة في الزمن المايع ده حتى شطتنا بقت

مايعة وما بتحرق..
Embarassed
ونحن والله شعب لو ما حس بالشطة في جوفو

تسوي تح تح، الأكل ما ينفعو.

أنا ود التور البتنتّح ومن الشطة ما بقول أحححححح

الزمن ده بقى زمن الكيتشاب والمايونيز،

أما الشطة الخضراء وشطة القبانيت

فزمنهم فات وغنايهم مات..

الناس هجرت المطاعم وبقوا مستعجلين

وما عندهم وقت للقعاد عشان كده اتجهوا للكافتيريات،

الأكل كلو بقى عبارة عن بوفتيك وطعمية وبرجر وما شابه،

والناس بقوا زي المجانين تلقاهم ياكلوا ماشين

ويتكلموا ماشين وكان قلت لزول سلام عليك

لا بسمعك ولا برد عليك..

مشيت السودان قبل سنة ما لقيت زول يتونس معاي

وفي النهاية جيت راجع وشنطتي مليانة

ونسة وشوق للناس الزمان...



وكلابنا برضها بقت مايعة وكسلانة ومسكينة

وما بتهوهو في زول، الكلب تجي ماشي فوق ليهو

ما يقول ليك هوْ، ولو بقى نشيط خلاص،

يقوم ينبح فيك بتهوهوة واحدة تاني ما يزيدها،

كأنو عامل ليك مس كول..

مرة ناقشت مسألة عدم مبالاة كلاب اليوم مع واحد كلب،

فقال لي: زمان كان بيطغى الحماس والانفعال على أدائنا ككلاب،

وكنا بننبح في الفاضية والمليانة،

لكننا لما شفنا الحكومة ما بتدفع لينا مواهي

وحاولت تستملحنا، قلنا ما لنا ومال المشاكل

والعباطة الفي الفارغ..

ونحن الآن في ظل نظام عالمي جديد

ولن ننبح ببلاش لأنو في حاجة اسمها الملكية الفكرية

وأصواتنا دي لازم تقيّم التقييم المناسب

واللي عاوز ليهو (هوت دوق) يشوفوا بعيد مننا،

نحن خلاص ودعنا عهد العباطة والتهور.
فقلت في نفسي: يا حليل زمان وأيام زمان..


لما الكلاب كانت بتسك الشفّع وتشرط هدومهم..

الآن نبيحهاذاتو بقى مشروط..

زمان تجي ماشي تلقى الكلب منتظرك في الطريق

مليان جسارة وعنفوان ولسانو حالو يقول يا دنيا ما فيك إلا أنا،

أما الآن فالكلاب بقى مغضوب عليها وضالة ومهمشة وبتعيش

على حافة النسيان ولو نظمت نفسها كويس ممكن

تدخل الغابة أو تقيم في فنادق وتعلن التمرد

وتعمل ليها حركة تمرد وممكن تسميها

حركة تحرير الكلاب وتختصرها في كلمة (حتك)..



يا جماعة الكلام ده عيب في حقنا وما بصح في

حق شعب عاش (علماً) بين الأمم ..

ويا جماعة كفانا تمييع أسماء وتمييع كعك وتمييع

وحم وتمييع فحولة وتمييع قضايا وتمييع مياعة

وخلونا نرجع لقديمنا ونخلي في البنسوي فيهو ده،

الكلام ده بالحيل ما سمح في حقنا ..


حليل زمن الصبا الماضى حليل زهر الحياة الزاهر
حليل زمن الحبيب راضى وحليل زمن الهوى الطاهر
حليلو الأبلج الباسم حليلو الكاحل الناير
حليل قمر السما القاسم لياليه وصبح داير
آه لو آه تفيد مجروح والمثل القديم ساير
رهاب ماحصلو الجاري وسماك ما حصلو الطاير
تجدنى مراقب أخبارك اذا النسمات بها تخابر
تجدني على الفراش مضنى وتجدنى على الأسى صابر
أنا البعدك أصون عهدك وليتك كنت بى خابر
وليتك مرة تذكرنى ولو في ذكرة الغابر


Razz



ســـــــــــــــــــــــــامحونا إذا غلطنا في شئ

Suspect
رد: أسماء سودانية خالية من الدلع والمياعة
مُساهمة في السبت 29 أغسطس 2009, 3:42 am من طرف عبد الله المك الارباب
cat
avatar
رد: أسماء سودانية خالية من الدلع والمياعة
مُساهمة في الإثنين 31 أغسطس 2009, 7:33 pm من طرف المفتش كرومبو
كلام في السليم
avatar
رد: أسماء سودانية خالية من الدلع والمياعة
مُساهمة في الثلاثاء 01 سبتمبر 2009, 2:07 am من طرف سلطان زمانو
والله استاذ عجيبا الف الف



Like a Star @ heaven Like a Star @ heaven
avatar
رد: أسماء سودانية خالية من الدلع والمياعة
مُساهمة في الثلاثاء 01 سبتمبر 2009, 6:30 am من طرف بت بلدي
[ندعوك للتسجيل في المنتدى أو التعريف بنفسك لمعاينة هذه الصورة]
رد: أسماء سودانية خالية من الدلع والمياعة
مُساهمة في الثلاثاء 01 سبتمبر 2009, 8:37 am من طرف زائر
تسلم _ موضوع جميل جدا
avatar
رد: أسماء سودانية خالية من الدلع والمياعة
مُساهمة في الثلاثاء 01 سبتمبر 2009, 11:24 am من طرف الحنين
حليل زمااااااااااااااااااااااان ياعمي


وحليلنا احنا اللى احنا فيهو


ممكن انتو احسن مننا تترحمو على ايام زمان وعايشين على الذكرى لكن احنا نقول شنو ياعمى

اللى اصلا ما لينا زمان

حنقول : حليلنا احنا المالينا حليل

حليلنا احنا الما لينا حيل

حليلنا احنا بالحيل
رد: أسماء سودانية خالية من الدلع والمياعة
مُساهمة في الأربعاء 02 سبتمبر 2009, 5:18 am من طرف المغازى
الاخ العزيز المسيكتابى
اولا: كل سنه وانت طيب وربنا يحقق امممنوع وعشان المناسبة الطيبة دى ما حبينا نقول ليك العم العزيز خليها فى وكتها .
ثانيا: احييك على الموضوع الجميل والله الواحد افتكر نفسو بيقرا فى روايات الكاتبالكبير الطيب صالح وخاصة رواية موسم الهجرة
الى الشمال .
لكن احب اقوليك انو الواحد اسمو لايؤثر فى شخصيتو قد تجد واحد اسمو الخزين ابكريك ولا الضوء او وغيرها من الاسماء التى
زكرتها افضل منو اولاد الزمن ديل .
كلامى ده داير اوضح ليك انو الاسم فى شخصية الانسان حاجة اسميه لاتغير فى نظرتنا للزول نفسو الشى المهم فى الانسان سلوكو والتربية والمجتمع الذى تربى وترعرع فيه والعادات والتقاليد بتاعة بلدو .
عاوز اقول ليك موقف مر على فى الجامعة :
معاى مجموعة شباب جالسين فى نشاط الطلاب بنتونس
سلمت علينا واحده ( صاحبة واحدة من الشله ) والبت دى مشلخة
شلوخ عراض وقعدت معانا فى البينشات والله البت سمحة لكن الشى المعقدها شلوخها ديل توديهن وين عليك الله هسع اهلا ديل تعمل فيهن شنو وهى طلبه فى الجامعة وجايا العاصمة مشلخة بتقدر تعيش كيف مع بنات الزمن ديل .
هسع عليك الله الشلوخ ديل مع المكياج بطلعن كيف .
فالناس بتتغير مع تغير الزمن ده شى طبيعى .
ياخى كل شى اتغير الكلام واللبس والاكل وحاجات تانيه
يعنى هسع لو عاوز ولدى يطلع زى جدودو
اسميهو منو
والبسو شنو
واوكلو شنو
واسكنو وين
تفتكر لو عملت كل الحاجات دى ونفذتها بالطريقة القديمة بيطلع
زيهم .
هل ولدى زاتو بتقبل الكلام ده هل بيقدر يعيش فى بيئة والمجتمع الحوليه عايش فى بئية اخرى . افتكر اننو صعب جدااااااااا.
اخيرا : العم العزيز لك خالص شكرى وتحياتنا الى جميع الاخوان فى الامارات ولنا لقاء ....................
avatar
رد: أسماء سودانية خالية من الدلع والمياعة
مُساهمة في الجمعة 04 سبتمبر 2009, 2:57 am من طرف عبد الرحيم
والله الاسماء القديمة ليها الق ورونق بس الناس بقت تنفر منها والمصطفي صلى الله عليه وسلم قال خير الاسماء ما حمّّد وعبد
avatar
سلامي وشكري للجميع
مُساهمة في الجمعة 04 سبتمبر 2009, 3:53 am من طرف المسيكتابي
الشكر كل الشكر لكل الأبناء والاخوان المتداخليين
وحليل أيام زمان
الابن المغازي لك التحيه والتجله
وللأسف ماعرفنا أسمك الأصلي كي نتكلم معاك وناخد ونديك
فأرجوا توضيح اسمك الحقيقي
وبعدين بحضر ليك كلام معسوول وأمثله زي بتكم المشلخه دي
ياحلات الشلوخ بدلاً من جديماتكم المنفخات أحمر وأصفر

Vry Happy Vry Happy Vry Happy
avatar
رد: أسماء سودانية خالية من الدلع والمياعة
مُساهمة في الجمعة 04 سبتمبر 2009, 4:53 am من طرف طارق محمد
الخال العزيز المسيكتابي ما عصرت شوية علي زمنا دة
كده ندلع ليك أسامي ناس زمان :تميم الدار، تدلع تييمو
التجاني : تجو
البشير: بشة أو بشبش
الماحي :موحي . موحة
فضل المولى: فضلو
وهكذا بس ماعندي زمن أدلع الباقين ههههههههههه
Vry Happy Vry Happy Vry Happy
avatar
رد: أسماء سودانية خالية من الدلع والمياعة
مُساهمة في الجمعة 04 سبتمبر 2009, 11:38 am من طرف سيد الحروف
اول شي والله لك التحية والتجلّة والإحترام على موضوعك عمنا المسيكتابي
وطريقة الطرق مزهلة جداً والله
تسلم إيدك يا غالي
انا غايتو ما بقدر اتفلهم واقول لاااااااا نحن ونحن ونحن
انا اسمي جهاد والجكس قاعد يقول لي جي جي
اها دايرني اقول ليك شنو ؟؟؟؟
هاهاهاهاهاهاها
[ندعوك للتسجيل في المنتدى أو التعريف بنفسك لمعاينة هذه الصورة]
لكن انا بقيف مع اخوي طارق واقول ليك عصرت علينا والله
بس الزمن إتغير وايقاعو زاتو بقى سريع ومااااا زي زمان
هسي انا القدامك ده تقول عمري 24 سنة
هاهاهاهاهاهاهاها
[ندعوك للتسجيل في المنتدى أو التعريف بنفسك لمعاينة هذه الصورة]
ابداً والله
بعد الكريشة دي والشيب الفي الراس ده
تقول الزول ده في التلاتينات
ما شاء الله ناس زمان الذكرتهم ديل الواحد عمرو يكون خمسين سنة
حمارتو ما تقدر تعير منو !!!
هاهاهاهاهاهاها
[ندعوك للتسجيل في المنتدى أو التعريف بنفسك لمعاينة هذه الصورة]
والله عشرين متر بس يجري وراها ويفوتها ويحوشها من قدام
غايتو دي قسمتنا
الله جابنا في الزمن ده عاد نسوي شنو
هاهاهاهاهاها
[ندعوك للتسجيل في المنتدى أو التعريف بنفسك لمعاينة هذه الصورة]
avatar
رد: أسماء سودانية خالية من الدلع والمياعة
مُساهمة في السبت 05 سبتمبر 2009, 8:52 am من طرف الوردة
السلام عليكم ياعمي المسيكتابى.
كل عام وأنت بألف أخير والكلام القولتو دا كلو في محلو والأسماء الهسعي دي خلها تخجل لمن تناديلك واحد لكن أنا والله ياعمي مابكذب عليك اكان ربنا رزقني بزوج بناديه باسمو العديل قدام الرجال علشان ما أنقص من قيمتو قدامن لكن كدي خلينا نكون برانا با أناديهو وأسمو مقلوب كلو (يعني بدلعوووووووووووو)
Razz
رد: أسماء سودانية خالية من الدلع والمياعة
مُساهمة في الثلاثاء 08 سبتمبر 2009, 5:36 am من طرف المغازى
العم / المسيكتابى
لك التحيه والتجله
الجديمات ديل اسكت خليهن العملنو فينا ماقدر عملو بوش فى العراق
رد: أسماء سودانية خالية من الدلع والمياعة
مُساهمة في الأربعاء 09 سبتمبر 2009, 5:16 am من طرف المغازى
والله ياعمنا المسيكتابى ياحليل ايام زمان فى دى صدقت
اولا الحياة بسيطة والناس متداخلين مع بعض وحالتهم واحدة الناس قلوبها مع بعض وقلوب صافيه خاليه من الحسد والكلام فى الناس والفتن والشاهد على كلامى ده انو الحله معروف عندها كبير كلمتو ماشه على الجميع الصغير و الكبير وحله الملاح ياكلوا منها كل الجيران .
الواحد بعد صوتو يتغيرويربى ليهو شنبات يقوم ابوه طوالى يعرس ليهووما مساؤل من اى شى الا كسير العناقريب وكل يوم معزوم فى بلد .
الابو المسكين فى السنه يسمى مرتين ليهو ولى ولدو
ياخى زمان الناس ديل زاتهم اكانو شويه ما زى الزمن ده
لكن تعال شوف زمنــــــــــــــــــــــــــــــــــــــــــــــــــــــا
الناس ما بقى عندها شغل غير الحسادة والفتن بين الناس ومافى زول بيسال عن زول والله اكان شافوك عملت ليك حاجه او ظهرت عليك حاجه يبيعو الوراهم والقدامهم ويعملو زيك ولو ما قدروا يقولوا هو زاتو القروش ده جابها من وين يعنى يطلعوك حرامى والحله زاتو بقى مافيها كبير والله لو حصلت مشكله اى زول تلقاهو عامل مطنش ولاهاميهو يعنى الناس الا يتصلوا بنا س النظام العام والحريم زاتو فى زمنا ده بقى صوتن اعلى على صوت الرجال بقينا ماعارفين الحاصل شنو .والشى التانى ياخى البنات ديل الواحده فى اليوم تظهر ليك بى ثلاثة اشكال والله ضايقننا فى لبسنا شوف البنطلون زمان اكان بى كم وهسع بقى كم
فى الزمن ده الواحد يشيل ويربى مع ابوهو واهلوا لما راسو يبقى ابيض بعد كده امو وابوهو يقولوا الولد كبر نحنا بعد كده نعرس ليهو .
تلقاهو المسكين على الاقل اكان ما وصل الاربعين يكون تسعة وثلاثين ( يعنى عاوز عمرة كامله + سمكرة )
هسع عليك الله بعد كده بقدر يكسر ليهو ( بمبر )
ياخى زمان المره تعرس ثلاثة رجال شفت الرحمة دى كيف
فى زمنا ده الراجل اكان عرس ثلاثة ما بكملن .
شفت الاختلاف بين زمنا وزمنكم بغض النظر عن الاسماء وغيرها وحاجات تانية خليها بينى وبينك .......
avatar
رد: أسماء سودانية خالية من الدلع والمياعة
مُساهمة في الثلاثاء 13 أكتوبر 2009, 10:53 pm من طرف شلاقة
يا ناس زمان شكرا ليكم
خلونا النعيش زمنا
رد: أسماء سودانية خالية من الدلع والمياعة
مُساهمة في الخميس 17 ديسمبر 2009, 12:58 am من طرف العربي
[ندعوك للتسجيل في المنتدى أو التعريف بنفسك لمعاينة هذه الصورة] على الطلاق فى اسما ما انزل الله بها من سلطان حليل زمن ناس عبد الله وعبد الجواد وعبد الكافى وكفا الا سما هينه الكلام الشى التاني
avatar
رد: أسماء سودانية خالية من الدلع والمياعة
مُساهمة في الأحد 20 ديسمبر 2009, 12:42 am من طرف المسيكتابيه
الحمد لله احنا ناس الاسماء ال الله خلقها كدا

لا بتتميع لا بتتدلع
avatar
شكرا للجميع علي المرور
مُساهمة في الثلاثاء 19 يناير 2010, 3:26 am من طرف المسيكتابي
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
لي عوده
avatar
رد: أسماء سودانية خالية من الدلع والمياعة
مُساهمة في الأربعاء 20 يناير 2010, 5:55 pm من طرف دقلاش
مواضيع جميلة وتستاهل الوقفة ولكن ما باليد حيلة ولكن لازم نقول راينا ..ز..طبعا الواحد ما بيقدر يقول حليلها لان لوجات الزمن دا بتكون بمثابت اضحوكة لا اعني الاستهزاء بالاسماء دي لا طبعا ولكن في حاجات جات مصاحبة للزمن دا وهي التي تفرض المسميات ..... الايقاع الحفيف .... السرعة... الموضة مثلاSad1لوجبت كريم من انواع الكريمات الجديدة دي مع اسم من اسماء حبوباتنا زمان ما بتلقاها جاية مع بعض( امونة) مع كريم( ديانا) ما بيجي..نفس الحكاية لوجبتا كريمات زمان مع الزمن دا برضو نفس الحاكية( نانسي)مع (الودك+الكركار) .
خليكم من الحريم زمان ..الرجال اكانوا اسم علي مسمي الراجل راجل في الاسم والمشي والشكل مواصفات كاملة والكمال لله اما الزمن دا ..لو جيت وشفتا الشكل والحلاقة والاسم اكنتا تقول : رحم الله اهلي الغبش اتكندكوا بتراب سواقيهم وشربوا موية طين جداولهم واتمسحوا بعرق العافية وتكحلوا بشمش الضهر الدافية (في رايكم ديل اكانت اشكالهم كيف؟... اكانت اساميهم كيف ؟)
تقولي شنو!!!! وتقولي منو!!!!
 

أسماء سودانية خالية من الدلع والمياعة

الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المسيكتاب :: مجلة المنتديات-
انتقل الى: