عمر إبراهيم الفاضل (الكاهلي) ابن فاطمة بت الطيب ود حسن ود حاج محمد الزاكي مسيكتابية حلة الشيخ
سلمانة بت الحاج سلامة .. أو (سنار يا وعد الخير سلام )
رمز أبو الوطنية الشاعر الكبير خليل فرح –يرحمه الله- للسودان "بعزة" وكانت مجموعة من الملاحم التي ينادى فيها السودان بهذا الاسم العزيز على نفس كل سوداني ..
وبعد أن تم لنا بحمد الله الاستقلال وتلبية لدعوة الشاعر الفذ القامة محمد عبد الحي في منظومته "العودة إلى سنار" كتبت هذه القصيدة .. وقد تكون غريبة من حيث المعنى ومن حيث المبنى وفيها أرمز للسودان بسلمانة بت الحاج .. وهي دعوة للسلام ..
الليلة جات عمم الفخُر ..
أهل النحاس القحّة في واقعة بدر ...
عالين قدر ...
بيت الملك ... أهل العصُر ..
من عهد سام .... سلمانة بت الحاج .. سلام
.......
يا عزِّة الدرق المحدّر في الوجوه ...
تحمي السهام ...
يا صفحة من تاريخ بلد ...
ممهورة بي دم الجدود ...
منضومة زي عقد الفدا ...
تحكي الثبات يوم الزحام .....
.........
جيناك رجال ... شايلين هموم الدنيا بي طب العصب ...
داجين دريب ...
كايسين نصيب ...
حاقبين سيوف ...
منسوبة لي عهد الإمام ..
من مكة ديك ... هاجر نبيك .. مسك الختام ..
جاك الخضر .. قايد الكليم ..
بي جملة من حرف الفكر ..
أعيت فهوم رمز الكلام ...
.......
في شمالنا داك ...
شمخت أنوف نوبية ... تحلف بالتراب ..
ترد الصعاب ... يوم الحساب ..
خاتين ملام ..
من أرقو .. من كرمة النُزل ..
عزوك قوم نبتة العظام ...
رطب البلح .. زاد الرسول
سيد الأنام ...
الخير غشاك ضو الشمس ...
العز معاك كلمة شرف ...
مسكة رجال ... فوق اللجام
سلمانة بت الحاج سلام
يا سيدة يا بت الوطن ...
.......
الشرق جاك بي بطانتو ..
قايد كم رسن ...
أدروب هناك طنبوره ... طن ..
حالم وديع .. أشرس قدر ...
كان ليلو جن ..
.......
خرتومنا ... جات بي نيلها ..
ترفل في الحلل ...
أهل الثبات يوم الجلل ...
توبهن رسم .. ظاهرين اسم ... عالين مقام ...
.......
ود مدني جات فرسانو ...
دافرين كالقدر ...
وبحرنا فرّ جناحو .. فرّ
الموت حصل .. لا سيف نصل .. لا مزارعي ترّ ...
ثابتين على هامة الزمن ...
شامخين أنوف ...
واقفين صفوف ..
صبح الكلام ... دم الحجام َ!!!!
........
سلمانة بت الحاج سلام ..
يا حُرّة .. مطلوبك حصل ...
دارفور فداك يوم الجلل
كُردافة جات عز الأهل ...
حمدان ثبت
ضوين قدل
الكيك صهل ...
دشر الغضب .. عضّ اللجام
فاقد الكلام ...
سلمانة بت الحاج سلام ...
يا حُرّة مطلوبك قريب ...
.....
جوك النوير .. جوك دينكة البور الحبيب ...
جوك الشلك ..
ضاربين دفوف ..
واقفين صفوف ...
عزة رجال ...
ردوا السلام ..
سلمانة بت الحاج سلام ..
يا سيدة يا أم النصُر..
يا ركزة الولد المسولب للبُطان ..
العين جمُر ...
السوط دشر دم الحلال ..
فجّ اللحم ... كشف العُضام ...
....
العز ثبات فوق العروض ..
العز وقوف عند الحدود ...
ركزة همم ...
في ربيلة ديك .. الزاكي أبوك
كرب الحزام .. تنى القسم ..
وحجرنا داك كاسيهو دم ...
اليوم بسو فيك الشكر ..
يا أمة التاج المزّين بالفخر ..
يا أمة القدح المقنطر في الدرب ...
حالي الإدام ...
سلمانة بت الحاج سلام ...
يا وقفة العيد المفرح للأنام ..
يا شوق جِني لي أُمّه
قام ردّ السلام ....
سلمانة بت الحاج سلام ....
المزيد من أشعار الشاعر / عمر إبراهيم الفاضل في منتدى المعليق
00966503525064
سلمانة بت الحاج سلامة .. أو (سنار يا وعد الخير سلام )
رمز أبو الوطنية الشاعر الكبير خليل فرح –يرحمه الله- للسودان "بعزة" وكانت مجموعة من الملاحم التي ينادى فيها السودان بهذا الاسم العزيز على نفس كل سوداني ..
وبعد أن تم لنا بحمد الله الاستقلال وتلبية لدعوة الشاعر الفذ القامة محمد عبد الحي في منظومته "العودة إلى سنار" كتبت هذه القصيدة .. وقد تكون غريبة من حيث المعنى ومن حيث المبنى وفيها أرمز للسودان بسلمانة بت الحاج .. وهي دعوة للسلام ..
الليلة جات عمم الفخُر ..
أهل النحاس القحّة في واقعة بدر ...
عالين قدر ...
بيت الملك ... أهل العصُر ..
من عهد سام .... سلمانة بت الحاج .. سلام
.......
يا عزِّة الدرق المحدّر في الوجوه ...
تحمي السهام ...
يا صفحة من تاريخ بلد ...
ممهورة بي دم الجدود ...
منضومة زي عقد الفدا ...
تحكي الثبات يوم الزحام .....
.........
جيناك رجال ... شايلين هموم الدنيا بي طب العصب ...
داجين دريب ...
كايسين نصيب ...
حاقبين سيوف ...
منسوبة لي عهد الإمام ..
من مكة ديك ... هاجر نبيك .. مسك الختام ..
جاك الخضر .. قايد الكليم ..
بي جملة من حرف الفكر ..
أعيت فهوم رمز الكلام ...
.......
في شمالنا داك ...
شمخت أنوف نوبية ... تحلف بالتراب ..
ترد الصعاب ... يوم الحساب ..
خاتين ملام ..
من أرقو .. من كرمة النُزل ..
عزوك قوم نبتة العظام ...
رطب البلح .. زاد الرسول
سيد الأنام ...
الخير غشاك ضو الشمس ...
العز معاك كلمة شرف ...
مسكة رجال ... فوق اللجام
سلمانة بت الحاج سلام
يا سيدة يا بت الوطن ...
.......
الشرق جاك بي بطانتو ..
قايد كم رسن ...
أدروب هناك طنبوره ... طن ..
حالم وديع .. أشرس قدر ...
كان ليلو جن ..
.......
خرتومنا ... جات بي نيلها ..
ترفل في الحلل ...
أهل الثبات يوم الجلل ...
توبهن رسم .. ظاهرين اسم ... عالين مقام ...
.......
ود مدني جات فرسانو ...
دافرين كالقدر ...
وبحرنا فرّ جناحو .. فرّ
الموت حصل .. لا سيف نصل .. لا مزارعي ترّ ...
ثابتين على هامة الزمن ...
شامخين أنوف ...
واقفين صفوف ..
صبح الكلام ... دم الحجام َ!!!!
........
سلمانة بت الحاج سلام ..
يا حُرّة .. مطلوبك حصل ...
دارفور فداك يوم الجلل
كُردافة جات عز الأهل ...
حمدان ثبت
ضوين قدل
الكيك صهل ...
دشر الغضب .. عضّ اللجام
فاقد الكلام ...
سلمانة بت الحاج سلام ...
يا حُرّة مطلوبك قريب ...
.....
جوك النوير .. جوك دينكة البور الحبيب ...
جوك الشلك ..
ضاربين دفوف ..
واقفين صفوف ...
عزة رجال ...
ردوا السلام ..
سلمانة بت الحاج سلام ..
يا سيدة يا أم النصُر..
يا ركزة الولد المسولب للبُطان ..
العين جمُر ...
السوط دشر دم الحلال ..
فجّ اللحم ... كشف العُضام ...
....
العز ثبات فوق العروض ..
العز وقوف عند الحدود ...
ركزة همم ...
في ربيلة ديك .. الزاكي أبوك
كرب الحزام .. تنى القسم ..
وحجرنا داك كاسيهو دم ...
اليوم بسو فيك الشكر ..
يا أمة التاج المزّين بالفخر ..
يا أمة القدح المقنطر في الدرب ...
حالي الإدام ...
سلمانة بت الحاج سلام ...
يا وقفة العيد المفرح للأنام ..
يا شوق جِني لي أُمّه
قام ردّ السلام ....
سلمانة بت الحاج سلام ....
المزيد من أشعار الشاعر / عمر إبراهيم الفاضل في منتدى المعليق
00966503525064