بتريد اللطام اسد الكداد الزام
هزيت البلد من اليمن للشام
سيفك للفقر قلام
تيّم فى التقر انصارو منزربين
بالصفا واليقين حقيقة انصار دين
بالحرب ام طبائق قابلوا المسكين
فى وش المكن رقدوا التقول نايمين
تيّم فى التقرانصاروا زاربنوا
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا
تيّم فى التقر قال العمير للسوم
القوى والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالم تحوم
الاسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمامور
الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صقار
الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق
بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجا
هزيت البلد من اليمن للشام
سيفك للفقر قلام
تيّم فى التقر انصارو منزربين
بالصفا واليقين حقيقة انصار دين
بالحرب ام طبائق قابلوا المسكين
فى وش المكن رقدوا التقول نايمين
تيّم فى التقرانصاروا زاربنوا
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا
تيّم فى التقر قال العمير للسوم
القوى والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالم تحوم
الاسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمامور
الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صقار
الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق
بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجا