والله ليكم وحشه أهلي العزاز.

منو القال للسحاب إتلم
واهطل يا مطر ألوان
وأروي سهول غشاها عطش
واسقى غصون شجرة البان
شجرة البان دي أصل الخير
جزورها عميقة في الوديان
وكلها حب ولامة كمان
حواليها الزهور بحنان
حنان امي حنان مليان
وقلبها بالفرح رويان
شجرة البان دي ما امي
ومشتاق ليها يا انسان
والاشواق بسوقا سحاب
وتهطل بالدموع في البان
وأخواني الصغار ازهار
مشبعة بي نداها حنان
بجيك يا يمة اصبري لي
بجيك اشبِع قليبي امان

منو القال للشمس تطلع
تغازل بي خيوطا زهور
تمد النور عشان يوصل
يغطي سهول ويدفي بحور
شمس ما حارة حراقة
شمس دفاية مشتاقة
وحبها للجميع مجهور
شمس بالخير تنادييلنا
ووصفها بالجمال زي حور
وحور من جنة ضواية
بتلمع في ضلام مسحور
شمس تبعد ضلام الليل




آسف للغيبه بس والله معزور
لانو كنت ماقادر أخش على
الــــمــــــنـــــــتـــــــــــدى




والشكر كل الشكر للاخ العزيز
الدكتور/عبد الرحيم هو السبب
في عودتي بعد المجهود الذي بذله
معي .وكل الشكر للسيد المدير
أخي وأبن خالتي أبوهيام للاهتمام
بعودتي أيضآ وهديه بسيطه لكم

أهلا بعودتك والله بعادك مسخ المنتدي
وياريت ماتنقطع
وحمدلله علي سلامتك

سلمك الله أخي العزي
شـــــــــــــــلاقـــــــــــه
والله ليك وحشه وأشتقت
لمواضيعك الجميله ياجميل





ومع أحترامي وتقديري وشوقي
الشديد
لكل الاعضاء بس شكلهم عودتي
ضايقتهم

وا عجبا

كيف يتضايق االاخوان من عودت اخوهم


الف الحمد لله على السلامة

لأ يالسه راحل مستحيل نتضايق
بس زي ماشايف دخول الأعضاء بقي بسيط بس ياريت إنت تداوم هنا علي طول

تسلمي أختي العزيزه الحنين



وأنشاء الله مدواوم ياشلاقه
وتسلم مره ثانيه على المروه

اهلا بيك ونحن عاوزين كل واحد يشجع زملاءه علي المنتدي

أخي العزيز أبراهيم

مشكوووووووووووووووووووووووووور





*************************************



كن أسداً تأكل الثعالب من بقاياك ولا تكن ثعلباً يأكل من بقايا الأسد

ههههههههههههه

مرحبا بك بك يالسه راحل .....ومشكور على عودتك الجميله دى

لسّه راحل إنت لّسه لسّه راحل ؟؟؟؟؟؟؟؟؟