خصوصيه ولاّدي انانيه..يمكن عدم رضى

اولا التحيه لكل الاعضاء الاعزاء والمشرفين الاجلاء
الحقيقه ما عارفه إيه اقول ..
كنت دائما ضد فكرة إنه المراءة بتخفي عمرها لحد ماكنت بكتب في بيانات التسجيل للمنتدى الرائع ده
واستوقفتني خانه العمر ..!!
فكرت وقلت لو كتبت عمري ماممكن ..
قلت اكتب عمرى اصغر..لالاده هبل ..
اكتب عمري اكبر لالا كده اصعب كمان..
وفي الاخر قررت إني أخليها فاضيه عارفين ليه؟
لاني اخيرا آمنت بأنه المراءة بتخفي عمرها زي الراجل لما يخفي عدد فلوسه..
احيانا بقول دي تخاريف لكن اليوم اكتشفت إنه دي حقيقه المراءة ما بتحب تقول عمرها مش لانهاخايفه من الكبر لكن حتى وهي عمرها صغير بتفضل ما تقولو السبب..!!!
الاسباب كتيرة والاهم بتعتبره شىء خاص فيها تمام زي الرجل
ما بحب يقول كم في جيبه ويعتبرة
من خصوصياته البحته..!!
وفي الاخر إنشاء الله الموضوع يعجبكم وأشوف ردودكم

يمكن الرجل بيخاف يقول كم راتبه

لانه بيخاف من كلمة هااااااااااااااااااااااااااااااااات



بس المرأة ليه بتخاف من انها تظهر عمرها مش عارفة


يمكن بتخاف تبان كبيرة فتخاف انه خطوط الزمن تترسم على وجهها

فعلى كده يقولو ليها يالله ويالله للبديل النقدى اقصد الزوجة



ولا بتحب انها دايما تبان صغيرة ودلوعة

الحكاية دى شكلها محتاجة استشارة نفسية رسمي

هههههههههههههه

شكرا ليك يالحنين
والمسأله مامحتاجه استشارة نفسيه قدر ماهي محتاجه ثقه في النفس
لانه تشيخ الأرواح قبل الاجساد
وشكرا مرة تانيه لانك عبرتينا

[ندعوك للتسجيل في المنتدى أو التعريف بنفسك لمعاينة هذه الصورة]
أنا كاتب عمري الحقيقي ومابدسو علي زول لانو لو داير أصحاب بسهل الاختيار
وأكان علي القروش أنا طالب [ندعوك للتسجيل في المنتدى أو التعريف بنفسك لمعاينة هذه الصورة]
يعني بصرفوا علي هههههه

كتابة العمر عادية بس ماتسأل من المرتب
ههههههههههههههههههههههههه

شكرا ييييييييييييا كان هنا على التعليق الظريف ده

ياياسرشكرا ليكعلى الترحيب الظريف دة وكويس إنك متفق معاى

ياتمساح مامرتاح مالك وإنت الناس في بطنك كلها
زى خوفك على راتبك خوفي على عمري

ظريف التعليق ده ياااااااشلاقه ولما تصاحب زول بسألك اول شىء عنك وإهتماماتك مابهمه عمرك
ولا عددالفلوس في جيبك
شكرا ليك

[ندعوك للتسجيل في المنتدى أو التعريف بنفسك لمعاينة هذه الصورة] مرحبيك وسط اهلك غزالة النيل
حقيقه موضوعك شيق واثبتي انو المرأه مابتحب تزكرعمرها لكن ليه الله اعلم
امكن عشان .... ههه
الله اعلم

شاكرة ترحيبك ابو هيام بتك عسل ربنا يخليها ليك
وتقصدشنو
امكن عشان....ههه

مرحب بيك يا غزالة النيل
والله المراءة ما بتحب تقول عمرها عشان الحريم عندهن ذاكرات
اكتر من الكمبيوترات ومن تعرف عمرك الواحدة وخاصة من النوع القديم
تختو ليك زي التاريخ الميلادي .... دي اكبر من فلانة ودي قدر فلانة
ودي اصغر من فلانة رغم انو فلانة محااااااااااافظة .....
وتاني بتخفي عمرها عشان كل ما شافت واحدة تعمل نفسها اصغر منها
هههههههههههه
ولا شنو .... المفروض ما تطرحو المواضيع دي عشان الرجال بتكيفو منها
كتيييييييييييير خلونا في موضوض الراتب
وعلمونا طريقة نخترق بيها سجلات البنك او الشركة ونعرف عددو
واليوم البقبضو فيهو ...... هههههههههه

والله عجبني تعليقك يابت المسيكتاب
وشكرا للفته النظر دي وعارفه انتي ذكرتي نقطه مهمه في كلامك
وهي انه المشكله في دس العمر مو بسقدام الرجال لكن الواحد يخاف من كلام النسوان كمان
زي مالرجال بخافو من ذكر الراتب قدام الرجال كمان

كلام زول.................. معقولة هههههه
والله يا محمد كلامك صاح وحاصل الله يكون في العون

انا بالعكس بحب اكبر عمري
بس انا مشتركه في المنتدى بعمري الحقيقي
وحلو انو الواحد ما يخبي عمرو ولا راتبو
المراءة لابد من ينعرف عمرها والراجل لابد من يسمع كلمه هااااات
هههههههههه
مشكورة غزاااله على الموضوع

شكرا ليكم جميعا على المرور
بت بلدي وdooody
وشلاقه والعبدلابي

تخفي المراة عمرها لانها هي نفسها لا تعلم عمرها الحقيقي ........
واحيانا تخفي المراة عمرها لأرتباط الموت بالتقدم في العمر اذن تخفي المراة عمرها خشية الموت .........



كلــــــــــــــــــــــــو تنظير في تنظير
وشكرا يا غزالة علي الموضوع الجميل

كلامك في محلو الغالية غزالة النيل لا اظن ان الخوف من الموت هو السبب احيانا احسهاغريزة او فطرة واحيانا احس لانكم دائما معشرالرجال تميلون للزواج بالاصغر عمرا تقدم العمر مربوط بالبورة اسي اي دفعه تتدحل لمن زول منهم اقول لي انت برلومة معانا ولمن اقول انا سنيرة كبيرة اقولي ماباين اتكيف اي زول الاقيني احكي لي الموضوع وكذلك نحن معشر النساء نميل للزواج بالاكثر مرتبالذلك تخبو.قبل لزواج اذا كان المرتب كثير بتكلم وبعد الزواج خوفا من هات بدس العلاوات واي زيادة

* المراه قبل العشرين مثل اثيوبيا ..

نصف مكتشفه .. وجمالها طبيعي .. وشديده الخصوبه !

* المراه من العشرين الى الثلاثين مثل امريكا ..

مكتمله النمو .. مستعده للتبادل التجاري ( الزوااااج ) ..

* المراه من الحاديه والثلاثين الى الخامسه والثلاثين مثل الهند ..

حاره .. مرتاحه .. واثقه من جمااااالها ..

* المراه من السادسه والثلاثين الى الاربعين مثل فرنسا ..

متقدمه في العمر لكنها دافئه ومرغوبه ..
* المراه من الحاديه والاربعين الى الخمسين مثل يوغوسلافيا ..

خسرت الحرب .. وتسكنها أخطاء الماضي .. والمطلوب إعاده بناء شامل ..
* المراه من الحاديه والخمسين الى الستين مثل روسيا ..

شاسعه لكن الحدود غير آمنه .. طقسها باااارد لكن لا تغري بالاقتراب ..
* المراه من الحاديه والستين الى السبعين مثل منغوليا ..

ماضيها مجيد لكنها لا تملك المستقبل السعيد ..
* المراه بعد السبعين مثل افغانستان ..

الكل يعرف موقعها لكن لا احد يرغب في زيارة الموقع ..