دمعا منك ودمعا مني تروي وساده

لاتزعلي لاتبكي لا لاتحزني
لا ترسي مركبنا القرق لا ترسي
قدر العشق انا وانتي نتلما ونوالف ونفترق لا ترسي
لا انتي لا انا لا القلوب الشايله حبنا بالصدق تقدر تحل
غير نسال الله القاسية تهون وفي باقي العمر
يدينا صبرا نقشقشبو العيون
بس نحنا ناس طيبين اخلصنا واحسنا في الدنيا الظنون
ما انتي مولود الفرح ده الجاني في الزمن الحزين
ولدوكي في زمن الغنا المعزوب علي وتر الانين
جيتيني والايام عقاب وصله من باقي السنين في دنيا
اخرا كوم تراب لا بتدي لا بتقدر تعيد
لكن خلاص قبل الوداع بتفوتي والايام تفوت
خليكي قدري البينا لاتفكي وسير الخيوط
ماتخلي قلبك للسنين ولا يبني فوقو العنكبوت
امليهو بي عشم الله خير لاتخلي احساسك يموت
وانا اصلي ما بنساكي يوم انا اصلي ما بنساكي يوم انا
مهما يطول بينا العمر انا
عارفك كمان شايلاني شوق ومقلد بالصبر انا
زكري و حنين لماضي راح وايام مضت منا وتمر
وانا اصلي ما بقدر براك منك جبر بس في النهاية
مبروك مبروك وانشاءالله نتقابل عصر

عدل سابقا من قبل عبدالله في الجمعة 14 أغسطس 2009, 5:10 am عدل 1 مرات

ااااااااااااه يا القهر
قال لى نتقابل عصر
شايفاها بعيدة زي دهر
ساعة العصر
مكتوب اتجرع الاوجاع والمر
وزى الحزن ده في حياتى على ما مر

انا اصلو قلبي الحنين
ماله حظ وامله مات عبر السنين
وانا مستنياك القاك متين
تجي تقول الوداع..؟

لما قلت انك مودع خلاص
ولقيت من الوداع مافي مناص
حسيت كلمات وداعك زي رصاص
ما فاتني زي كانه ضاربو قناص

ما خلاص حان الوداع
وخلاص اتجرعت الاوجاع
وخلاص بقيت مع الاحزان لى اجتماع

يوم الفراق..؟
كيف ما رمي دميعات الزعل
ما خلاص الغالى من زمانى رحل
وتركنى هناك مرمية في وحل
بعد ماكان اداني الامل
في سعادة وفرح وزهر وفل
وعشانو جادلت كل ذي جدل

بس ما خلاص حان وقت الفرح
قالو فرحى بس هو لى جرح
حزنا تقلد بي فستان ابيض واجترح
قلبي وخلانى بعيد معاك اسرح
قالو لى ياعروس وين بالك سرح
وهم مو عارفين وين البال سرح
هههههههههههههه
ضحكونى لما قالو اليوم فرح
مو عارفين خلاص القلب انجرح

مو خلاص القلب انجرح